ශ්‍රී ලාංකේය ජනසමාජයට වැළඳී තිබෙන ව්‍යාධි අතරින් එක් ව්‍යාධියක් නම් අපේ සිශ්ඨාචාරය අති දැවැන්ත බවට හුවාදැක්වීමට ඇති කැමත්තයි. අප රටෙහි, අතීතයේ අපූර්වවූත්, ආර්ථිකමය වශයෙන් සමෘධිමත්වූත්, තාක්ශණයෙන් දියුණුවූත් සිශ්ඨාචාරයක් තිබූ බව සැබෑය. පැරණි හෙලයාගේ විශිෂ්ඨතම නිර්මාණ රාශියක් තවමත් ඊට සාක්ශිදෙයි.ඒ පිලිබඳව මේ ලේඛකයා විවිධ අවස්ථාවල ලියා තිබේ. [මාලිගාවිල ප්‍රථිමා පිලිබඳ ලිපිය මෙතනින් කියවන්න]
මා මේ කථාකරන මෙම ව්‍යාධියේ ලක්ශණ නම් අතීත අභිමානයෙන් කුල්මත්වීම නොව, එම අතීත උරුමයන් මත සිටගෙන වෙනත් නොයෙකුත් බොරු ප්‍රබන්ධ ගොතමින් මේ පිලිබඳව උනන්දුවක් දක්වන පොදු ජනයා මුලාකරවමින්, ඔවුන්ව පැරණි හෙළයා රාවණාට හා පිටසක්වලයන්ටද බද්ධකරමින් හෙළ ජාතිය ලොව ප්‍රමුඛම ජාතිය බව ප්‍රබන්ධමය ලෙස හුවාදක්වමින් රටේ තරුණ සමාජයේ මනස ඔද්දල් කරමින් අතීතකාමී මානසික ලෙඩුන් පිරිසක් කිරීමට යත්න දැරීමයි. මේ සඳහා ලාංකේය මුද්‍රිත මාධ්‍ය විශාල දායකත්වයක් දරයි. එහෙත් මුද්‍රිත මාධ්‍ය වීම නිසාම යම් ස්වයංවාරණයට යටත්ව ඒවා ක්‍රියාත්මක වුවත්, එවැනි වාරණ නොමැති අන්තර්ජාල අඩවි අභූත පුවත් මවමින්, පදනම් විරහිත කටකතා සත්‍යයන් මෙන් හුවාදැක්වෙන ආකාරයට පුම්බමින් මේ ව්‍යාධිය පතුරවීමට කිරීමට සක්‍රියව දායකවෙයි.
එක්තරා ප්‍රකට වෙබ් අඩවියක අද පලවූ ප්‍රවෘත්තියකි පහත ඇත්තේ. මෙය ප්‍රවෘත්තියකට වඩා කටකතාවක් යයිද කිව හැකිය.
එක්තරා ප්‍රකට වෙබ් අඩවියක අද පලවූ ප්‍රවෘත්තියකි පහත ඇත්තේ. මෙය ප්‍රවෘත්තියකට වඩා කටකතාවක් යයිද කිව හැකිය.
පිටසක්වල හා සබඳකම් පැවැත්වූ තාරකා දොරටුවක් නුවර වැවෙන් මතුවෙයි?
March 5, 2014 at 11:53 am | lanka C news
අතීතයේදී පිටසක්වළ සමඟ සබඳතා පැවැත්වීම සඳහා තාරකා දොරටුවක් ලෙසට යොදා ගෙන ඇති බව කියන ස්ථානයක් අනුරාධපුර නුවර වැවේ ජලය සිදී ගිය ප‍්‍රදේශයකින් මතුව තිබේ.
මෙම කොටසේ මැටියෙන් තනා පුළුස්සා ඇති උළු කැට හා සමාන ලක්‍ෂණ ඇති කොටස් එක්තරා රටාවකට සිටුවා ඇති අන්දම දක්නට ඇත.
මීටර් හතළිහක පමණ ප‍්‍රදේශයක් පුරාවට මෙම රටා දැකිය හැකි අතර නුවර වැවේ නවීකරණ කටයුතු සඳහා පැමිණි බර වාහන යන්ත‍්‍ර සූත‍්‍ර මේ මතින් ගමන් කිරීම නිසා මැටි සහිත කොටස් විශාල ප‍්‍රමාණයක් කැඞී බිදී ප‍්‍රදේශය පුරා විසිරී පවතී.
තවමත් ජලය පවතින ප‍්‍රදේශවලද මෙම රටාවන් දක්නට ඇති අතර එක් රටාවක් මීටර දෙකක පමණ විශාලත්වයෙන් යුක්තය.එකිනෙකට සමීපව පිහිටා ඇති රටා කොටස් හතරක් පමණ මේ වන විට දක්නට ඇති අතර මේවා සම්බන්ධව විවිධ මත පළවෙමින් තිබේ.
මෙම ස්ථානය පිටසක්වළ සමඟ සබඳතා පැවැත්වීම සඳහා තාරකා දොරටුවක් ලෙසට අතීතයේදී යොදාගෙන ඇතැයි එක් කතාවකින් කියවෙන අතර තවත් පිරිසක් පවසන්නේ අතීතයේදී මෙහි පුද පූජා පවත්වා ඇති බවය.SOURCE: http://lankacnews.com/sinhala/news/111440/
හෙඩිම දෙස බැලූවිට සිතෙන්නේ මෙය ස්ටාර් ගේට් එකක්ම බවට ලොව පතල විද්‍යාඥයින් බොහෝ දෙනෙකු සියම් පර්යේෂණ වලට අනුව තහවුරු කොට සැක නැති, නිසැක සොයාගැනීමක් ලෙසිනි. එහෙත් කියවාගෙන යන විට, මෙය ස්ටාර්-ගේට්ටුවක් බව කවුරුන් හෝ කියා ඇති බව කියැවේ. මෙසේ කියන්නේ කවුරුන් දැයි පැහැදිලි නැත. වැවේ පස් අදින ලොරි ඩ්‍රැයිවර්ලා හෝ මාළු බාන මස් මරන්නන් එසේ කියනවා විය හැකිය.
එපමණක් නොවේ මෙච්චර කළුගල් වලින් විස්කම් නිර්මාණ පිලිබඳව ස්වර්ණමය ඉතිහාසයක් ඇති රටේ මේ ස්ටාර් ගේට් එක තනා ඇත්තේ කළුගලින් නොව මැටිවලිනි. මෙවැනි ලිපි යුනිකෝඩ් වලින් කොටන ටයිපිස්ට්ලාටවත් නිකමට ඇයි බොල මේක මැට්ටෙන් හැදුවේ කියලා හිතෙන්නේ නැත්තේ අකුරුගාණට ගෙවන නිසා වන්නට පුලුවන. එඩිටර්ලාට මොළයක් ඇතිබවට හෝඩුවාවක් හෝ නැති බව අනුමැතිය දෙන ලිපි හා කොමෙන්ටු වල තත්වයෙන් පෙනේ. මොඩරේට් නොකර කොමෙන්ටු නොවැටෙන මෙහි අමු කුණු හබ්බ, ජාතිවාදී, ආගම් වාදී කුණු මජර අදහස් එඩිට් නොකරම අනුමත වී පලවෙයි. මේ එඩිටර්ලාගේ මානසිකත්වය එතරම්ම පහත්ය.
මෙවැනි මෙවැනි මනස්ගාත වෙබ්/බ්ලොග් අඩවි වලට පමණක් සීමාවෙනවා නම් කමක් නැත. අවාසනාවට ලංකාදීප, මව්බිම, රන්දිව, රිවිර වැනි ජාතික යයි කියාගන්නා පත්තරවලටද මේවා තඩි සීර්ෂපාථ වලින් උලුප්පමින් පිටු ගණන බොරු ලියන මාතෘකා වී ඇති බව පත්තර බලන ඕනෑ කෙනෙකුට පෙනේ. වසර කිහිපයකම සිට සිංහල පත්තර වල අතිරේක පිරී ඇත්තේ පාඨකයා රවටන බොරු මැවන මැවැනි මනස්ගාතවලිනි.
මේවා කියවන විට සිතෙන්නේ ලංකාව ලෝකයේම පමණක් නොව මුලු චක්‍රවාටයේම කේන්ද්‍රස්ථානය බවය. සියල්ලම තිබී ඇත්තේ මෙහිය, සියල්ලම මුලින්ම සොයාගෙන ඇත්තේ අපිය, නැත හොත් අපේ රාවණ සිංහල රජතුමාය. පිටසක්වලයින්ට ටෙක්නොලොජි දුන්නේත් එතුමා බව කවුදෝ රාවණා පිස්සෙකු බ්ලොගයක ලියා තිබෙනවා දැක්කා යාන්තමට මතකය.
රාවණා සඳ දැන් බැසගොස් පිටසක්වල සඳ පායා ඇත.
පිටසක්වල ජීවීන් පැමිණියාය, යානා කඩාවැටුනාය, ඒවා ඒරියා 51 තුල සඟවා ඇතැයිද, පිටසක්වල යනාවල තාක්ශණයෙන් අපේ තාක්ශණය විප්ලවීය දියුණුවක් ලැබුවාය යනුවෙන් කතා ලොව පුරා පැතිරී ඇත. ලේඛකයාද ඒ පිලිබඳව ලියා ඇත.
මෙයනම් මහා පුදුමයකි. දැන් අරනගංවිල පිටසක්වල ජීවීන් පිලිබඳ කතාවස්තුව නොදන්නා කෙනෙක් නැත. බ්ලොග් අවකාශයේ පැතිරී ඇති අරනගංවිල පිටසක්වල ජීවී පුරාවෘත්තයට අනුව ...
ඒ අනුව පිටසක්වල ෆොසිල පිලිබඳ කතාන්තරය ඇරඹෙන්නේ අරනගංවිලෙන් නොව ඇන්ටාක්ටිකාවෙන. මේවා නොදන්නා ඈයෝ බොහෝ ප්‍රබන්ධ ගොතමින් සිටිති. නොදන්නා අයගේ දැනගැනීම පිණිස අඟහරු උල්කාපාතය පිලිබඳව පලවූ විදෙස් වාර්තා දෙකක් උපුටා දක්වමි.
![]()
http://www.foxnews.com/science/2014/03/03/odd-mars-meteorite-debate-over-ancient-life/
![]()
http://news.discovery.com/space/alien-life-exoplanets/mars-meteorite-structures-cautious-optimism-for-alien-life-140228.htm
1. පිටසක්වල ජීවීන් හා යානා පිලිබඳ අමෙරිකානු රජයේ මෙහෙයුම් විස්තර කෙරෙන MAJESTIC (MAJIC-12) ලිපිගොනු!එහෙත් දැන් බලාගෙන යනවිට පිටසක්වල ජීවීන්ගේ තිප්පොල ලොව තාක්ශණයෙන් හිනිපෙත්තේ සිටින අමෙරිකාව නොව, අතීතයේ තාක්ශණය හිනිපෙත්තේ තිබූ පිරමීඩ තනන යුගයේ ඊජිප්තුව, පඩි පිරමීඩ තනන යුගයේ ඇස්ටෙක්, ඔල්මෙක් වරුන් රජකල මධ්‍යම අමෙරිකාව හෝ නොව අපේ ලංකාවයි. අතීතයේද මෙය පිටසක්වල හෝම් පොලකි, දැන්ද එසේමය. අමෙරිකාවේ මෙන්ම මෙහිද පිටසක්වල යානා කඩා වැටේ, ලෝකයේ දැවැන්ත මහද්වීප වලට වඩා උල්කාපාත, විශයෙන් පිටසක්වල ජීවීන් පිලිබඳ සාක්ශි සහිත උල්කාපාත අභ්‍යවකාශයේ සිට අන් සියලුම මහාද්වීම, මහා සමුදුරු මගහැර මේ වර්ග සැතපුම් 25332 තුලටම කඩාගෙන වැටේ...
2. කඩාවැටුනු යානාවලින් ලැබුණු පිටසක්වල තාක්ෂණය කෝ? (Part 1)
3. කඩාවැටුනු යානාවලින් ලැබුණු පිටසක්වල තාක්ශණය කෝ? (Part 2)
මෙයනම් මහා පුදුමයකි. දැන් අරනගංවිල පිටසක්වල ජීවීන් පිලිබඳ කතාවස්තුව නොදන්නා කෙනෙක් නැත. බ්ලොග් අවකාශයේ පැතිරී ඇති අරනගංවිල පිටසක්වල ජීවී පුරාවෘත්තයට අනුව ...
"පොලොන්නරුව අරනගංවිල ප්‍රදෙශයට පසුගිය දෙසැම්බර් 29වෙනිදා(2012/12/29). අක්කරයක පමන භුමිප්‍රමානයක තැනින් තැන විසිරි තිබි හමුවු. අසාමාන්‍ය පාෂාන කොටස් දැන් තාරකා ජිව විද්‍යා ක්ෂෙත්‍රය උඩුයැටිකුරු කිරිමට සමත් වි තිබේ. එම පාෂාන සොයා ගත් ප්‍රදෙශයේ සිටින අය රාත්‍රි කාලයේ කිසියම් අත්බුත එලිද පසුගිය දවස් වල දැක තිබෙ. එම එලි වලට හෙතුව උල්කාෂ්ම බහුල ප්‍රදෙශයක් හරහා එ දවස් වල පෘතුවිය ගමන් කරමින් පැවතිම බව තාරකා විද්‍යාඥයන් විසින් පෙන්වා දෙන ලදි.
එ අනුව එම පාෂාන පිටසක්වලින් පැමිනි උල්කාෂ්ම විය හැකි බවට ඔනැම කෙනෙක්ට සැකයක් පහල වේ.
එසේ සැක පහල වන විට පේරාදෙනිය විශ්වවිද්‍යාලයේ මහාචාර්යවරු එවා අකුනු ගැසිමකින් පස් වල සිදු වු විපරිතවිමක් නිසා හට ගත් පාෂන බව පෙන්වා දෙනලද්දෙ මෙතෙක් ලංකාවේ හමු වු විශාලතම උල්කාෂ්මය පෙන්වා දෙන ගමන්ය. මෙ ප්‍රකාශ අතරතුරදි කොලඹ වෛද්‍ය පර්යේශන ආයතනයේ වෛද්‍ය අනිල් සමර නායක ඇතුලු පිරිස අරනගංවිලෙන් හමුවු එ අසාමාන්‍ය පාෂාන වල සාම්පල රැගෙන පර්යේෂන කටයුතුවලට යොමු විය. එම පාෂාන වල සාම්පළ නාසා ආයතනයේ තාරකා විද්‍යඥ මහාචාර්ය රිචර්ඩ් බ්‍රි හුවර් මහතාටත් මහාචාර්ය චන්ද්‍රා වික්‍රමසිංහයන්ටත් යොමුකලෙ වැඩිදුර පර්යෙශන සදහාය. එම මුලික පර්යේශන ප්‍රථිඵල එකම වු නිසා වැඩිදුර පර්යේෂන සිදුකර මහාචාර්ය චන්ද්‍රා වික්‍රමසිංහයන් හා වෛද්‍ය අනිල් සමරනායක මහතාගේ ප්‍රධානත්වයෙන් Journal of Cosmology හි 21 වන වෙලුමෙ පර්යෙශන ලිපියක් පළ කලොය.
එම පර්යෙෂන ලිපි වලට අනුව එම උල්කාෂ්ම වල අභ්‍යන්තරයෙ ඩයටම් නැමති ඇල්ගා විශෙෂයේ ජිවින් සිටින බව හෙලිවේ. මෙය දැනට ජාත්‍යන්තරව පිලිගත් ප්‍රථම පිටසක්වල සිට පැමිනියේ යැයි සැල කරන ජිවි සාක්ෂිය බවට පත්වි තිබේ. මෙම උල්කාෂම වල අභ්‍යන්තරයේ පොසිල බවනය වු ඩයටම මෙන්ම ජිවි තත්වයේ සිටින ඩයටම සිටින බව බ්‍රිතානයෙ කාඩිෆ් විශ්ව විද්‍යාලේ ඉලෙක්ට්‍රොන අන්වික්ෂ මගින් මහාචාර්ය චන්ද්‍ර වික්‍රම සිංහයන් ලබාගත් ඡායාරුප වල පැහැදිලිව දක්නට ලැබේ. එමෙන් ම පසුගිය දවස් වල ඇද හැලුනු රතු වැස්සේ තිබි හමු වු ජිවි සෛල වලට සමාන සෛලද එම උල්කාෂ්ම අභ්‍යන්තායේ තිබි ඇත.එ අනුව. රතු වැසි වලටද හෙතුව පෘතුවිය මතුපිට සිට අහසට නැගුනු Trentepohlia ඇල්ගා නොව පිට සක්වල සිට උල්කාෂ්ම හරහා පැමිනි ජිවින් බව මහාචාර්ය චන්ද්‍ර වික්‍රම සිංහයන් පෙන්වා දෙයි.
උපුටාගැනීම ...මෙහි රතු පැහැයෙන් දක්වා ඇති කරුණ සම්පූර්ණ අසත්‍යයකි. මීට පෙර ඇන්ටාක්ටිකාවෙන් හමුවූ, අඟහරු ග්‍රහයාගෙන් වසර මිලියනයකට පෙර ඉවතට විසිවූවා යැයි සිතන උල්කාපාතයකින්ද ෆොසිලකරණය වූ බැක්ටීරියාවල සළකුණු සොයාගත්තේ යැයි ලොවට කියුවේ නාසා ආයතනයයි. නාසා ආයතනයේ එම නිගමනය නිර්දය ලෙස විවේචනයට බඳුන්වුනු අතර පසුව නාසා ආයතනය එම නිගමනය වැරදි බව නිළවශයෙන්ම පිලිගත්තේය.
http://cyberhiru.blogspot.com/2013/01/diotoms-in-meteorite-aranaganwila-srilanka.html
ඒ අනුව පිටසක්වල ෆොසිල පිලිබඳ කතාන්තරය ඇරඹෙන්නේ අරනගංවිලෙන් නොව ඇන්ටාක්ටිකාවෙන. මේවා නොදන්නා ඈයෝ බොහෝ ප්‍රබන්ධ ගොතමින් සිටිති. නොදන්නා අයගේ දැනගැනීම පිණිස අඟහරු උල්කාපාතය පිලිබඳව පලවූ විදෙස් වාර්තා දෙකක් උපුටා දක්වමි.
මේ ගොසිප් පුවත්වල සඳහන් මහාචාර්ය චන්ද්‍ර වික්‍රමසිංහයන් පිලිබඳ ගැටලුවක් නැත. ඔහු පිටසක්වලින් උල්පාත සමග පැමිණෙන ක්ශුද්‍රජීවීන් මගින් විශ්වය පුරා ජීවය පතුරුවන බවට කියැවෙන "පෑන්ස්පර්මියා"නම් කල්පිතයක් ඉදිරිපත් කල විද්‍යාඥයින් දෙපලකින් එක් අයෙකි. දැන් ඔහු බ්‍රිතාන්‍යයේ බකින්හැම් විශ්වවිද්‍යාලයේ පිටසක්වල ජීවය (astrobiology) පිලිබඳ මධ්‍යස්ථානයේ අධ්‍යක්ශකවරයා වන ශ්‍රී ලංකාවට ආඩම්බරයක්වූ විද්‍යාරත්නයකි. අරනගංවිල උල්කාපාත පිටසක්වල ජීවයේ සලකුණු රැගත් ඒවා බව ඔහු හා ඔහුගේ පර්යේශක කණ්ඩායම "ජර්නල් ඔෆ් කොස්මොලොජි"නම් තාරකාවිද්‍යා සඟරාවේ පිලියක් පලකොට ප්‍රසිද්ධ කලහ. මේ පිලිබඳව තවමත් වාද විවාද පැවැත්වේ. ඒවා ඉතා දියුණු ශාස්ත්‍රීය සංවාද වන අතර එවැනි සංවාද සිදු නොකොට, ඔවුන්ගේ නම්ද ඈඳාගෙන හුදෙක් ගල් පැලෙන බොරු පුවත් මැවීම ආචාර්ය වික්‍රමසිංශයන් වැනි විදු රත්නයන්ටද කරන නිග්‍රහයකි. මේ රටෙහි ඉගෙන ගන්නා දරු පරපුරටද කරන අසාධාරණයකි. එම දරුවන් ලොකු මහත්වන්නේ නිවැරදි දැනුම ලබාගෙන නොව බොරු පුස් සත්‍යය ලෙස වටහාගෙන දෑස් අන්ධවය.
COMMENTS:
අපේ උන්නහැලගෙ පොඩි මානසික ආතල් 1ක් තියනවා නෙව ලෝකෙන් උතුම් රට ලංකාවයි කියල ඒකෙ දිගුවක් නෙව ඔය රාවණා පිස්සුව... දැන් ඒ ව්‍යධියෙ අතුරු ප්‍රතිපල තමා ඔය පෙන්නුම් කරන්නෙ... මං දැක්ක නලින් අය්යගෙ බොගේ ඕ ගැන තියනව... හැබැයි ස්ටාර් ගේට් කතාවක් විදියට නෙවේ... මැටි උළු විශේෂයක් විදියට on පිටසක්වල හා සබඳකම් පැවැත්වූ තාරකා දොරටුවක් නුවර වැවෙන් මතුවෙයි? [අන්ධ අතීත කාමය විද්‍යාප්‍රබන්ධ හා මුසුකොට අතීත සුපිරි ජාතියක් ගැන පුවත් මැවීම...]
ඔය කියන්නේ මේක ගැන වෙන්න ඇති. http://samakayawate.blogspot.com/2014/03/moonstone.html හිනා වෙනවද අඩනවද කියලා හිතා ගන්න බෑ මම ටෙක්නික්ස් Blog එකේ විශ්වජිත් on පිටසක්වල හා සබඳකම් පැවැත්වූ තාරකා දොරටුවක් නුවර වැවෙන් මතුවෙයි? [අන්ධ අතීත කාමය විද්‍යාප්‍රබන්ධ හා මුසුකොට අතීත සුපිරි ජාතියක් ගැන පුවත් මැවීම...]
Akurana Pradeshiya Sabawa Alawathugoda
පිළිමේ ඉස් ඉස්සෙල්ලාම කෙලින් කලේ ප්‍රේමදාස ජනාධිපතිතුමාගේ කාලේ වෙන්න බැරිද on අපේ සැඟවුණු තාක්ශණය : පැරණි සිහළුන් ටොන් 100ක් බර ගලකින් පිළිමයක් නෙලා එය කෙලින් සිටවූයේ කෙසේද?
Charitha
හොද ලිපි පෙලක් සහිත බ්ලොග් එකක් . සියල්ල කියවන්නම් . පෙන්වු සෙන්නාටත් ලියු ඔබටත් ස්තුතියි on කඩාවැටුනු යානාවලින් ලැබුණු පිටසක්වල තාක්ෂණය කෝ?
අටම්පහුර
ඔය රාවනා බ්ලොග් කියෙව්වමනම් හිනා යනවා අප්පා. එක දවසක් අර හයි වේ එකේ ගියපු වාහනේක මොණරෙක් හැප්පිලා. ඒ දවස්වලමයි අර දඬු මොනරේ ආපහු ඇවිත් කියලා කතාවක් ගියේ. අන්තිමට නිගමනය උනේ රාවණාගේ නැවත පැමිණීමට සූදානම් වෙන්න දඬු මොණරේ ටෙස්ට් කරන්න හයි වේ එකට දාලා කියලා :):) මොකද්ද අප්පා මේ කමෙන්ට් වැටෙන හැටි? මගේ බලවත් විරෝධය :( on පිටසක්වල හා සබඳකම් පැවැත්වූ තාරකා දොරටුවක් නුවර වැවෙන් මතුවෙයි? [අන්ධ අතීත කාමය විද්‍යාප්‍රබන්ධ හා මුසුකොට අතීත සුපිරි ජාතියක් ගැන පුවත් මැවීම...]
සයුරි
සෙන්නාට ස්තුති කරමින් සම්පූර්ණ ලිපියම ඉතා උනන්දුවෙන් කියෙව්වා. මේවා වෙබ් අඩවි තමන්ගේ ජනප්‍රියත්වය රඳවා ගන්න කරන වැඩක් වෙන්නත් පුළුවන. මෙය පෙන්වා දීම කාලීන වශයෙන් ඉතා වැදගත්. on පිටසක්වල හා සබඳකම් පැවැත්වූ තාරකා දොරටුවක් නුවර වැවෙන් මතුවෙයි? [අන්ධ අතීත කාමය විද්‍යාප්‍රබන්ධ හා මුසුකොට අතීත සුපිරි ජාතියක් ගැන පුවත් මැවීම...]
සු දී ක
ela kaalekin on පිටසක්වල හා සබඳකම් පැවැත්වූ තාරකා දොරටුවක් නුවර වැවෙන් මතුවෙයි? [අන්ධ අතීත කාමය විද්‍යාප්‍රබන්ධ හා මුසුකොට අතීත සුපිරි ජාතියක් ගැන පුවත් මැවීම...]