මේ අර්බුදයට පැටලී ඇත්තේ කුප්‍රකට ෆොන්ටෙරා සමාගම නොව "වෙස්ට්ලන්ඩ් මිල්ක් ප්‍රඩක්ට්ස්" නම් නිශ්පාදකයෙකි. වෙස්ට්ලන්ඩ් සමාගම චීනය වෙත යැවූ ලක්ටෝෆෙරින් අඩංගු කිරිපිටි වල නයිට්‍රටේ ප්‍රමාණය 15 ගුණයක් දක්වා වැඩි බව සොයා ගැනීමත් සමග ඒවා බෙදා හැරීම වහාම නතර කර ඇත.
කිරි වල අඩංගු උපරිම නයිට්‍රටේ ප්‍රමාණය 150ppm වුවද සාම්පල වල 2198ppm දක්වා අඩංගු වූ බව තහවුරු වී ඇත. මෙම ලක්ටෝෆෙරින් ප්‍රෝටීනය අඩංගු කිරිපිටි ළදරුවන්ට විශේෂයෙන් ගුණදායි ලෙස පෙන්වමින් අලෙවි කරයි. තවද යෝගර්ට් නිෂ්පාදනයටද යොදා ගනී.නවසීලන්ත කිරි නිෂ්පාදනය මුහුණ දෙන අලුත්ම ප්‍රශ්නය පිළිබද මීට සුළු වෙලාවකට පෙර එරට Radio New Zealand ගුවන් විදුලියද විකාශය කර තිබුණි.
සමාගම පවසන ආකාරයට කිලෝ 390ක්වූ තොග දෙකක මෙම ඉහල නයිට්‍රේට් ප්‍රතිශතය අඩංගුවූ බවත්, ඒ පිලිබඳව අදාල රේඛීය අමාත්‍යාංශය දැනුවත් කල බවත්ය.
අමාත්‍යාංශ ප්‍රකාශකයෙකු සඳහන් කරන ආකාරයට ලැක්ටොෆෙරින් යනු වෙනත් කිරි නිශ්පාදන සඳහා සුළුවෙන් යොදාගන්නා අමුද්‍රව්‍යයකි. එබැවින්, ලැක්ටොෆෙරින්වල නයිට්‍රේට ඉහල ප්‍රතිශතයක් අඩංගු වුවද, එය ඉතා සුළුවශයෙන් එකතුකරන බැවින් සෞඛ්‍ය හානියක් සිදුකල හැකි ප්‍රමාණය කිරි ආහාර තුලට ඇතුළු නොවන බව ඔවුන් පවසති.
Source : http://www.nzherald.co.nz/business/news/article.cfm?c_id=3&objectid=11110892