 |
| උතුරු කොරියානු ස්මාර්ට්ෆෝනය ලෙස මාධ්‍යයට ඉදිරිපත්කල දුරකථනයේ ඡායාරූපය - බැලූබැල්මට මෙය ඇන්ඩ්‍රොයිඩ් OS එකකින් බලගැන්වෙන බව පෙනේ.. |
තම රට තුල නිෂ්පාදනය කළ පළමු ස්මාර්ට් දුරකතනය වෙළද පොලට නිකුත් කිරීමට සූදානම් බව උතුරු කොරියාව පවසයි.
උතුරු කොරියානු නායක කිම් ජොන් උන් විසින් සිදු කරන ලද කර්මාන්තශාලා නිරීක්ෂණ චාරිකාවකදී මෙම නවතම ස්මාර්ට් දුරකතනය ඔහුට පිලිගන්වන ලදැයි වාර්තා වේ.
අරිරැංග් නමින් නම් කර ඇති මෙම ස්මාර්ට් දුරකතනය නිපදවීම,උතුරු කොරියානු ජනතාවට තම රටේ නිෂ්පාදන කෙරෙහි නැඹුරුතාවයක් ඇති කිරීමේ තීරණාත්මක කඩඉමක් වනු ඇතැයි උතුරු කොරියානු රාජ්‍ය රූපවාහිනිය පවසයි.
කෙසේවෙතත් සැම්සුන්ග්, එල්.ජී වැනි තාක්ශණික දැවැන්තයින් සිටිනා දකුණු කොරියානු වාර්තාවලට අනුව මෙය උතුරු කොරියාවේ සම්පූර්ණයෙන්ම නිපදවන ලද දේශීය උතුරු කොරියානු නිමැවුමක් නොව, චීනයේ කොන්ත්‍රාත් ක්‍රමයට නිශ්පාදනයන් සිදුකරන සමාගමක් හරහා ගෙන්වාගත් එකක් එනම් බාල චීන නිශ්පාදනයක් මෙන් මෙන් පෙනෙන බවයි.
සීයා, තාත්තා හා පුතා අනුපිලිවෙලින් රාජ්‍ය බලය හොබවූ/හොබවන උතුරු කොරියාවේ දැඩි කොමියුනිස්ට් ආර්ථික ප්‍රතිපත්ති නිසා තවමත් ගොන් කරත්ත යුගයේ සිටින රටකි. න්‍යශ්ඨික බෝම්බ, මිසයිල හා රොකට තනන බව සත්‍ය වුවත් ඒ බොහොමයක් තාක්ශණය පවා රුසියාවෙන් හා චීනයෙන් ලබාගෙන, ජනතාව බඩගින්නේ තබමින් දුකසේ දියුණු කරගත් තාක්ශණයන්ය. ඒවා වුවද බටහිර තාක්ශණය හා සසඳන විට යල්පැන ගිය තාක්ශණ වේ. එවැනි පසුගාමී ආර්ථිකයක් හිමි රටක් එක්වරම ඇන්ඩ්‍රොයිඩ් මෙහෙයුම් පද්ධතිය ධාවනය කලහැකි ජංගම දුරකථනයක් දේශීයව නිපැයුවායි විශ්වාස කිරීම උතුරු කොරියානු ජනතාවට පමණක් සිදුකල හැකි දෙයකි.
ස්මාර්ට්ෆෝන් ගණයේ ජංගම දුරකථනයක් නිමැවීම සඳහා අවශ්‍යය ප්‍රොසෙසරය, ස්පර්ශ සංවේදී වීදුරුව, LED තිරය, ෆ්ලෑශ් මෙමරි, 2G/3G හඬ හා දත්ත සම්ප්‍රේෂණ පරිපථ, සෙන්සර්, GPS පරිපථ යනාදී සියගණනක් අධිතාක්ශණික උපාංග නිපදවීමට අවශ්‍ය තාක්ශණය මෙන්ම නිශ්පාදන හැකියාව උතුරු කොරියාව කෙසේ ලබාගත්තාදැයි ඔවුන් විස්තර කරන්නේ නැත. කියන්නේ තමන් ස්මාර්ට්ෆෝනයක් නිපදවූවා යන්න පමණකි. ස්මාර්ට්ෆෝනයක් කෙසේවෙතත් ටැලිෆෝනයක් හෝ කිසිදා දැක නැති අහිංසක උතුරු කොරියානු වැසියන් නම් මෙවැනි සුරංගනා තාක්ශණික ජයග්‍රහණ විශ්වාස කරනු ඇත.
කලක සිට මෙවැනි අධිතාක්ශණික විජ්ජා පෙන්වීමට ඉරාණයද පුරුදු වී සිටියි. ඉරාණයේ ඉස්ලාමීය තාක්ශණය හිටි අඩියේ ස්ටෙල්ත් ප්‍රහාරක යානා, ස්වය්ංක්‍රීය ඩ්‍රෝන යානා, සන්නිවේදන චන්ද්‍රිකා පමණක් නොව, වඳුරෙකු උඩුගුවනට ගෙනයා හැකි අභ්‍යකාශ යානාද පහල කරයි.
පහත සේයාරූ වලින් පෙනෙන්නේ උතුරු කොරියානු නායක කිම් ජන්ග් අන්, උතුරු කොරියානු ස්මාර්ට්ෆෝන් ෆැක්ටරියේ නිරීක්ශණ චාරිකාවක නිරතවන ආකාරයයි. සිනාවට කාරණය නම් ඔහු ෆැක්ටරිය තුල සිටින්නේ ෆැක්ටරි මැනේජර්ලා, ඉන්ජිනියර්ලා, ප්‍රඩක්ට් ඩිසයිනර්ලා, ප්‍රෝගැමර්ලා වටකරගෙන නොව හමුදා කඳවුරකදී මෙන් ජෙනරාල්ලා වටකරගෙනය.
එක්කෝ උතුරු කොරියාවේ ස්මාර්ට්ෆෝන් හදන්නට දන්නේ ජෙනරාල්ලාය, නැතිනම් ජෙනරාල්ලා ස්මාර්ට්ෆෝන් හදන ආකාරය ජනාධිපති-කොළුවාගෙන් ඉගෙනගන්නවාය. කලක් ස්විට්සර්ලන්තයේ පාසැලක ඉගෙනගත් කිම් ජන්ග් උන් ජනාධිපතිතුමා සියලු ශිල්ප ශාස්ත්‍රයන්ගේ කෙළ පැමිණි විද්වතෙකු බව උතුරු කොරියානු මාධ්‍ය නිරන්තරයෙන් කියා සිටින්නේය. එබැවින් මේ උතුරු කොරියානු ස්මාර්ට්ෆෝනයද එතුමාගේ සංකල්පයක් අනුව, එතුමාගේ උපදෙස් හා මගපෙන්වීම අනුව, එතුමාගේ ජෙනරාල්ලා නිශ්පාදනය කල එකක් විය යුතුය.
![]()
![]()
පහත සේයාරූ වලින් පෙනෙන්නේ උතුරු කොරියානු නායක කිම් ජන්ග් අන්, උතුරු කොරියානු ස්මාර්ට්ෆෝන් ෆැක්ටරියේ නිරීක්ශණ චාරිකාවක නිරතවන ආකාරයයි. සිනාවට කාරණය නම් ඔහු ෆැක්ටරිය තුල සිටින්නේ ෆැක්ටරි මැනේජර්ලා, ඉන්ජිනියර්ලා, ප්‍රඩක්ට් ඩිසයිනර්ලා, ප්‍රෝගැමර්ලා වටකරගෙන නොව හමුදා කඳවුරකදී මෙන් ජෙනරාල්ලා වටකරගෙනය.
එක්කෝ උතුරු කොරියාවේ ස්මාර්ට්ෆෝන් හදන්නට දන්නේ ජෙනරාල්ලාය, නැතිනම් ජෙනරාල්ලා ස්මාර්ට්ෆෝන් හදන ආකාරය ජනාධිපති-කොළුවාගෙන් ඉගෙනගන්නවාය. කලක් ස්විට්සර්ලන්තයේ පාසැලක ඉගෙනගත් කිම් ජන්ග් උන් ජනාධිපතිතුමා සියලු ශිල්ප ශාස්ත්‍රයන්ගේ කෙළ පැමිණි විද්වතෙකු බව උතුරු කොරියානු මාධ්‍ය නිරන්තරයෙන් කියා සිටින්නේය. එබැවින් මේ උතුරු කොරියානු ස්මාර්ට්ෆෝනයද එතුමාගේ සංකල්පයක් අනුව, එතුමාගේ උපදෙස් හා මගපෙන්වීම අනුව, එතුමාගේ ජෙනරාල්ලා නිශ්පාදනය කල එකක් විය යුතුය.
