අද (අගෝ 8) ජපානයේ ටෝකියෝ නුවර පැවැත්වුනු පුවත්පත් සාකච්ඡාවකදී මැස්ඩා සමාගමේ සභාපති මාසාමිචි කොගායි, මැස්ඩා සමාගමේ අලුත්ම එන්ජින් තාක්ෂණය හඳුන්වා දුන්නා. Skyactiv X ලෙස නම් කොට ඇති මේ තාක්ෂණය, වසර ගණනාවක් ටොයෝටා, ජෙනරල් මෝටර්ස්, වොක්ස්වාගන් වැනි කාර් ලොවේ දැවැන්ත සමාගම් නිර්මාණය කරන්නට වෙහෙසුනු, එහෙත් සාර්ථකව බිහිකරගන්නට අපොහොසත්වුනු තාක්ෂණයක්.
මේ තාක්ෂණය, න්‍යායාත්මක අතින් ඉතාමත් සරලයි. එහි මූළධර්මය වන්නේ ඩීසල් එන්ජිමක මෙන් ස්පාර්ක් ප්ලග් භාවිතයක් නොමැතිව සම්පීඩනය මගින් පෙට්‍රෝල් එන්ජිම තුල දහනය කරගැනීමයි. එහෙත් ප්‍රායෝගිකව මෙම තාක්ෂණය පෙට්‍රෝල් එන්ජිමක යොදා ගැනීම ඉතාමත් අපහසු අතර වසර ගණනාවක් මෝටර් රථ ලොවේ දැවැන්තයින්ට පවා මේ තාක්ෂණය භාවිතාකොට ප්‍රායෝගිකව කාරයකට යෙදිය හැකි එන්ජිමක් තනාගත හැකිවූයේ නෑ.
තම සමාගම ස්පාර්ක් ප්ලග් රහිතව කොම්ප්‍රෙෂන් මාර්ගයෙන් පෙට්‍රෝල් දහනය කරන එන්ජිමක් සාර්ථකව නිපදවා ඇති බව අද මැස්ඩා සමාගම ලොවට හෙලිකලා. නූතන තාක්ෂණයට අනුව උපරිම කාර්යක්ෂමතාවයේ ඇති පෙට්‍රෝල් එන්ජින් වලටත් වඩා 30%ක කාර්යක්ෂමතාවයක් මෙම එන්ජින් වලින් ලැබෙන බව මැස්ඩා සමාගම පවසනවා.
VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. .POSTED BY : Terence Kahapola Arachchi .AUTHOR/OWNER/ADMINISTRATOR . CONTACT : terence.arachchi@gmail.com.GOOGLE + : About Me .FACEBOOK : www.facebook.com/terence.arachchi . __________________________________________________________________________