සිතාගත නොහැකි තරමේ දරුණු කාළගුණ විපර්යාස නුදුරු අනාගතයේදීම සිදුවිය හැකි බවට ලකුණු දැන් දැන් පහලවෙමින් තිබෙනවා. ලොව පුරා රටවල දරුණු නියඟ, විශාල ජලගැලීම් ඇතිවන දරුණු කුණාටු, නිරන්තර වැසි ආදී විවිධ විපර්යාස නිතර අසන්නට, දකින්නට ලැබෙනවා. ලංකාවෙත් එහෙමයි.
මේ කාළගුණ විපර්යාස නිසා සිදුවන වගා හානි අතිවිශාලයි. කෙටිකාලීන වගා හානිවලට අමතරව දිගුකාලීනව මෙවැනි විපර්යාස වලට අපගේ වගා බෝග, විශේෂයෙන්ම ධාන්‍ය වර්ග, එළවලු හා පලතුරු ශාක කෙසේ ප්‍රතික්‍රියා දක්වන්නේදැයි කියන්නට අමාරුයි. සමහර රටවල ප්‍රධාන ආහාරය වන බෝග එම රටවල කාළගුණය විපර්යාසවලට බඳුන්වීම නිසා වගාකරන්නට නොහැකිවීම සිදුවන්නට පුලුවන්. ඒ නිසා නුදුරු අනාගතයේ යලිත් වරක් සාගත ඇතිවීමේ හැකියාව තියෙන බවට විද්‍යාඥයින් අණතුරු අඟවනවා.
විපරීත කාළගුණ තත්වයන්ට ඔරොත්තු දිය හැකි බෝග වර්ග ඉක්මණින් නිර්මාණය කරගැනීමේ වැඩපිලිවෙලක් ඇමරිකාවේ කෘෂිකර්මාන්ත දෙපාර්තමේන්තුව අරඹලා තියෙනවා. මේ වැඩපිලිවෙල අනුව විශාල හරිතාගාරවල කෘත්‍රිමව විපරීත කාළගුණ තත්ව ඇතිකරලා ඒ කාළගුණ තත්ව වලට ඔරොත්තු දිය හැකි බෝග නිර්මාණය කෙරෙනවා. මේ සඳහා වාණිජ බෝගවලට නෑදෑකම් දක්වන, එම කුළයේම කැලෑ ශාක (උදාහරණයක් ලෙස වල් වී) හා මුහුකරමින් මේ පර්යේෂණ කෙරෙනවා.
එමෙන්ම එවැනි කැලෑ ශාඛ වල ඇති විපර්යාස වලට ඔරොත්තුදෙන ජාන - උදාහරණයක් ලෙස දැඩි ශීතලට, දැඩි රස්නයට හෝ ඉහල ළවණ ප්‍රමාණයක් ඇති පස් හෝ ජලයට ඔරොත්තුදෙන හැකියාව එම ශාඛ වලට ලබාදෙන ජාන වෙන්කර හඳුනාගෙන ඒවා බෝගවල ජාන පද්ධතියට එකතුකිරීමත් මෙහිදී සිදුවනවා.
VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. .POSTED BY : Terence Kahapola Arachchi .AUTHOR/OWNER/ADMINISTRATOR . CONTACT : terence.arachchi@gmail.com.GOOGLE + : About Me .FACEBOOK : www.facebook.com/terence.arachchi . __________________________________________________________________________