BROADCOM - කැලිෆෝනියාවේ සැන් හොසේ නගරය මූලස්ථානය කරගත් බ්‍රෝඩ් කොම් සමාගම සිලිකන් නිම්නයේ පැරණිතම සමාගමක්. එය 1961දී, හිව්ලට් පැකාර්ඩ් සමාගමේ (Hewlett-Packard -HP) චිප් ඩිවිෂිනය ලෙස ආරම්භවී පසුව වෙනම සමාගමක් ලෙස ක්‍රියාකරන්නට පටන්ගත්තා. 2021දී ඩොලර් බිලියන 21ක ආදායමක් ඉපදවූ බ්‍රෝඩ්කොම් සමාගම පරිගණක දත්ත සම්ප්‍රේෂණය හා ජාලගත කිරීම සඳහා අවශ්‍ය මයික්‍රෝචිප් හා ඒ ආශ්‍රිත මෘදුකාංග නිර්මාණය කරනවා.
VMWARE - කැලිෆෝනියාවේ පෑලෝ ඇල්ටෝ මූලස්ථානය කරගත් වී.එම් වෙයා ක්ලවුඩ් කම්පියුටින් තාක්ෂණය හා වර්චුවර් පරිගණක තාක්ෂණයේ ඉහලින්ම සිටින සමාගමක්. 1998දී ආරම්භවූ වී.එම් වෙයා සමාගම මේ වනවිට ඩොලර් බිලියන 11ක වාර්ශික ආදායමක් උපයනවා. ක්ලවුඩ් කම්පියුටින් සේවා, ඒ සඳහා අවශ්‍ය මෘදුකාංග හා වර්චුවල් පරිගණක සේවා සැපයීම සමාගමේ ප්‍රධාන ආදායම් මාර්ග වනවා.
මෑතක් වනතුරුම ඩෙල් පරිගණක සමාගමේ අංශයක් ලෙස තිබූ වී.එම් වෙයා, ඩෙල් ප්‍රධාන විධායක මයිකල් ඩෙල්ගේ උපදෙස් මත වෙනම සමාගමක් බවට පත්කරනු ලැබුවා.
වී.එම් වෙයා සමාගම මිලදී ගැනීමෙන්, තමන්ගේ මෘදුකාංග ව්‍යාපාරය වඩාත් ශක්තිමත් වන බව බ්‍රෝඩ්කොම් ප්‍රධාන විධායක ටෑන් හොක් එන්ග් පවසනවා.