යුක්‍රේනයට MQ-1C Gray Eagle සන්නද්ධ ඩ්‍රෝන යානා ලබාදීමට ජනාධිපති බයිඩන් එකඟවී තිබෙනවා. දැනට යුක්‍රේනය සතුව තුර්කියේ නිෂ්පාදිත බේරැක්ටර් TB2 ප්‍රහාරක ඩ්‍රෝන තිබෙන අතර ඒවා ඉතාමත් සාර්ථක ලෙස රුසියානු හමුදා ඉලක්ක විනාශ කිරීමට යොදාගෙන තිබෙනවා. එහෙත්, ග්‍රේ ඊගල් යානයෙන් ඊට වඩා ප්‍රභල ප්‍රහාරක හැකියාවක් යුක්‍රේනයට ලැබෙනවා. දීර්ඝ කාලයක් අහසේ රැඳී සිටිමින් (long endurance loitering) ඉලක්ක නිරීක්ෂණය කරමින් ප්‍රභල හෙල් ෆයිර් මිසයිල වලින් පහරදීමට ග්‍රේ ඊගල් යානයට හැකියි.
ස්ටින්ජර් ගුවන්යානා/හෙලිකොප්ටර් නාෂක මිසයිල 8ක් හෝ යුධ ටැංකි නාෂක හෙල්ෆයිර් මිසයිල 4ක් රැගෙන කිලෝමීටර් 8 ඉහල අහසේ පැය 25ක් කල් බලමින් රැඳී සිටින්නට මෙයට හැකියි.
එමෙන්ම බේරැක්ටර් 2 යානයට වඩා සංවේදී කැමරා හා සෙන්සර් මෙයට රැගෙන යාහැකියි. යුක්‍රේනෙයට ග්‍රේ ඊගල් යානා 4ක් ලබාදීමට කටයුතු කරන බවට රොයිටර් වාර්තා කරනවා.