හයිපර්සොනික් ජෙට් එන්ජින්වල ඇති ලොකුම තාක්ෂණික අභියෝගය වන්නේ එන්ජිමට ඇතුළු වීමට පෙර වාතය මන්දගාමී කරන්නේ කෙසේද යන්නයි. හයිපර්සොනික් වේගයෙන් එන්ජිමට ඇතුළු වන වාතය එන්ජිම ඉතා අකාර්යක්ෂම වීමට හේතුවනවා.
චීන විද්‍යාඥයින් පිරිසක්, මෙම අභියෝගය බොහෝ දුරට ජයගෙන ඇති අතර ඒ අනුව හයිපර්සොනික් ජෙට් එන්ජිමක් 79%ක කාර්යක්ෂමතාවයකට ගෙන ඒමට ඔවුන් සමත්වෙලා තිබෙනවා.
එක්සත් ජනපද ගුවන් යානා ප්‍රවාහන නෞකා විනාශ කළ හැකි ක්‍රියාකාරී හයිපර්සොනික් මිසයිලයක් තමන් සතුව ඇති බව දැනටමත් චීනය ප්‍රකාශකර තිබෙනවා. තායිවාන ආක්‍රමණයකදී, තායිවානයේ ආරක්ෂාවට ඉදිරිපත්වන ඇමරිකන් නාවුක බලය විනාශ කිරීමේ දැඩි අවශ්‍යතාවයකින් චීන හයිපර්සොනික් පර්යේෂණ වේගයෙන් ඉදිරියට යනවා.