 |
| Images by Steve Douglass and Dean Muskett ත්‍රිකෝණාකාර හැඩැති ආකාශ වස්තුවක් ඇමරිකාවේ ටෙක්සාස් ප්රාන්තයේ ඇමරිල්ලෝ ප‍්‍රදේශයේදී නිරීක්ෂණය වී ඇතැයි වාර්තා වේ. ස්ටීව් ඩග්ලස් හා ඩීන් මස්කට් යන ඡායාරූප ශිල්පීන් දෙදෙනා විසින් කැමරා කාචයට හසුකරගෙන ඇති අතර පසුව එය වඩා පැහැදිලිව පෙනෙන ලෙස සංස්කරණය කර මාධ්‍ය වෙත අනාවරණය කර තිබේ. සාමාන්‍ය ගුවන් යානායල හැඩයට වඩා බෙහෙවින් වෙනස් ති‍්‍රකෝණාකාර හැඩයක් ගත් මෙම යානය මිනිස් නිර්මාණයක් මිස පිටසක්වළ යානයක් නොවන බවද මේ පිලිබඳව සංවාදයකට එක්වුනු UFO පර්යේෂකයින් සඳහන් කොට තිබේ. බැලූ බැල්මට මෙම යානය ඩ්‍රෝන යානයකට වඩා විශාල බව එයින් නිකුත්වන වාශ්ප ධාරාව (vapour contrail) අධ්‍යයනය කිරීමෙන් අනුමාන කල හැකි බව ඔවුන් පවසයි. අමෙරිකාවේ අපූර්ව ගුවන්යානා නිර්මාණ ව්‍යාපෘති හෙවත් කළු ගුවන්යානා ව්‍යාපෘති (Black Aircraft Projects) ගණනාවක්ම ක්‍රියාත්මක වන බව පවසන ඔවුන් මෙය එවැනි අතිශය රහසිගත කළු ගුවන්යානයක පරීක්ශණ පියාසැරියක් විය හැකි බව පවසති. දැනටමත් බෝයිං සමාගම හා ලොක්-හීඩ් සමාගම මෙවැනි පියාඹන අත්තටු හැඩැති යානා (Blended Wing Body) නිර්මාණය කොට ඇති අතර මෙයින් B-2 ස්ටෙල්ත් බෝම්බ ප්‍රහාරක යානය ප්‍රධානය. මෙම හඳුනානොගත් අභිරහස් යානාවට සමාන්තරව තවත් යානා දෙකක් පියාසර කොට ඇති අතර එම යානා තුන අතර හුවමාරුවූවා යයි සැක කෙරෙන රේඩියෝ පණිවුඩ හසු කරගැනීමට ටෙක්සස් ප්රාන්තයේ සිට එය නිරීක්ශණය කල ස්ටීව් ඩග්ලස් සමත්වී තිබේ. |
