ගූගල් සමාගම මගින් වැඩිදියුණු කරමින් තිබෙන, තවමත් වෙළඳපොලට නිකුත් නොකෙරුණු ගූගල් ග්ලාසස් නම්, කණ්නාඩියක් මෙන් පැළඳගෙන යා හැකි, ඇන්ඩ්‍රොයිඩ් මෙහෙයුම් පද්ධතියක් මගින් ක්‍රියාත්මක වන ස්මාර්ට්-ෆෝනයක ඇති සියලු හැකියාවන් ඇති පැළඳිය හැකි පරිගණකය (wearable computer) තාක්ශණික ලොවේ පුවත් මවන්නට සමත්වී තිබෙනවා. අලුත් ගැජට් වලට ආසා කරන බටහිර වැසියන් මෙන්ම දියුණු ආසියාතික රටවල ගැජට් ලෝලීන්ද ගූගල් ග්ලාසස් වෙළඳපොලට නිකුත් වනතෙක් පුළපුළා බලා සිටිනවා.
ගූගල් ග්ලාස් උපකරණය එනතෙක් බලාසිටින්නන්ට අස්වැසිල්ලක් වෙමින්, ගූගල් ග්ලාසස් හා සමාන හැකියාවන් ඇති, එහෙත් මිලෙන් අඩු අවු-කණ්නාඩියක් මෙන් පැළඳිය හැකි ස්මාර්ට්ෆෝනයක හා පැලඳිය-හැකි පරිගණකවල සම්මිශ්‍රණයක් වන උපාංග සමාගම් කිහිපයක් හඳුන්වාදෙමින් තිබෙනවා. මින් එකක් වන්නේ ඉතා දැකුම්කළු නිමාවකින් යුතු, නවීන විලාසිතාවේ අවුකණ්නාඩියක් මෙන් නිර්මාණය කොට ඇති රීකොන්-ජෙට් පැළඳිය හැකි පරිගණකයයි.
 |
| භාවිතා කරන්නාට තිරයේ දසුන් පෙනෙනා ආකාරය |