වෙලඳ දැන්වීම් වල ඇති ආහාර ඡායාරූප කොතරම් නෙත් පිනවනවාද? තද රතු තක්කාලි සෝස්, දිලිසෙන එලවළු, පළතුරු, පැණී වෑහෙන් පෑන් කේක්, තට්ටු දෙකේ තුනේ හැම්බර්ගර්. මේ හැම එකක්ම ඡායාරූපවල බොහොම ලස්සනට තියෙන්නේ ඒවා ඇත්තටම ඉතාමත් හොඳින්, වෘත්තීය සූපවේදීන් විසින් පිසීම නිසා හෝ ෆොටෝෂොප් ආධාරයෙන් ලස්සන කිරීම නිසාම නොවේ.
ආහාර ඡායාරූපකරණයේදී ඡායාරූපශිල්පීන් භාවිතාකරන විවිධ උපක්‍රම නිසා මේ කෑම ඉතාම නෙත් ඇදගන්නා ආකාරයට ඡායාරූපගත වනවා. මොනවද මේ උපක්‍රම?
පැණි වෑහෙන පෑන් කේක් - පැණි වෙනුවට රන්වන් පැහැ අලුත්ම එන්ජින් ඔයිල් යොදාගනී.
සුදෝසුදු අයිස්ක්‍රීම් වලින් වැහුන මිල්ක් ෂේක් - අයිස්ක්‍රීම් වෙනුවට යොදාගන්නේ ෂේවින් ෆෝම් වර්ගයකි. ඒවා අයිස්ක්‍රීම් වලට වඩා නෙත් පිනවන අතර දියවන්නේද නැත.
රත් පැහැයෙන් දිලෙන සෝස් වැක්කෙරන සොසේජස් - සෝස් වෙනුවට රතු කුකුල් සායම් යොදාගනී. සොසේජස් රන්වන් පැහැවෙන්නට බදිනවා වෙනුවට ලී වර්ණ ගන්වන පොලිෂ් යොදා රන්වන් පැහැ කරයි.
රන්වන් පැහැ බැදපු කුකුළන් - ලී පොලිෂ් හා වාර්නිෂ් යොදා රන්වන පැහැය ලබාගනී.
දැක්කම ආස හිතෙන අලුත්ම එලවලුවලින් සැදූ බව පේන සලාද - වාර්නිෂ් ස්ප්‍රේ යොදා දිලිසෙන නැවුම් පෙනුම ලබාගනී.
ලස්සන පාට පාට අයිසින් කේක් - කුකුල් සායම් වර්ණක හා අයිසින් වෙනුවට ෂේවින් ෆෝම් වැනි කෘත්‍රිම ෆෝම් නිෂ්පාදන යොදාගනී.
කොළ පැහැයෙන් බැබලෙන බෝංචි තෙම්පරාදුව - බෝංචි සීනි මිශ්‍ර උණුවතුරේ දමා මදවේලාවක් තබයි. දිලිසෙන පෙනුම සඳහා හෙයා ස්ප්‍රේ ඉසිනු ලැබේ.
VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. .POSTED BY : Terence Kahapola Arachchi .AUTHOR/OWNER/ADMINISTRATOR . CONTACT : terence.arachchi@gmail.com.GOOGLE + : About Me .FACEBOOK : www.facebook.com/terence.arachchi . __________________________________________________________________________
